ඔබත් අදම නිර්මල දහමට එන්න… (Visit "Nirmala Dahama")

ඔන්න මේ ලිපිය මෙච්චර කල් දාපු අනිත් ලිපි වලට වඩා ටිකක් වෙනස් එකක්. මේකෙ මොනවද කියලා තියෙන්නේ කියලා බලන්නකො එහෙනම්. කියවද්දි ඔයගොල්ලන්ටත් සිතුවිලි පහළ වේවිනේ.

නිමිත්ත… (Auspice)

     මේ ළඟදි දවසක උදේ අම්මා ගුවන් විදුලියේ යන බණකට සවන් දෙමින් හිටියා. මාත් හෙමින් හෙමින් කණ යොමු කරලා බැලුවා මොනවද කියන්නේ කියලා. ධර්ම කරුණු අහන්න, ඒවා ගැන විමසලා බලලා තේරුම් ගන්න පුංචි කාලේ ඉඳලා මට පොඩි ඇල්මක් තිබුනා. ඉතින් බණ ඉවර උනාට පස්සේ මම ටිකක් බර කල්පනාවක නිමග්න වෙලයි හිටියේ. මට හිතුනා, අපි මේ ශ්‍රී සද්ධර්මය අහන්න කොච්චර වාසනාවන්තද කියලා. ඒත් ඉතින් ඒ ධර්මය අහන්න අවස්ථාව තියෙද්දිත් මග හරින අයත් ඉන්නවනේ කියලා මට හිතට පොඩි කණගාටුවකුත් ඇති වුනා.